«Мен зерттеушімін» кабинеті «STEM ӘДІСІ»

Баланың заттық кеңістік дамытушы ортасын құру – мектепке дейінгі тәрбие мен оқытудың жалпыға міндетті мемлекеттік стандартының негізгі талабы. Аталған құжаттың Жалпы ережесінің сегізінші пунктінде «заттық-кеңістіктік дамытушы орта – бұл мектеп жасына дейінгі балалардың тұлғалық, эмоциялық, әлеуметтік және зияткерлік дамуын қамтамасыз ететін жағдайлардың жүйесі» – деп көрсетілген. 

Заттық-кеңістіктік дамытушы орта атына сәйкес баланың іс-әрекетін жасына, қызығушылығына, даму деңгейіне қарай қамтамасыз ететін  табиғи және мәдени-әлеуметтік құралдардан тұруы тиіс. 

Заттық-кеңістіктік дамытушы ортаны бала іс-әрекетінің толыққанды дамуын және оның тұлғалық қалыптасуын қамтамасыз ететін зертхана деп қарайтын болсақ, оның базалық компонентері мынадай: физиологиялық, эстетикалық, танымдық және әлеуметтік. 

Осындай базалық мазмұнды құрайтын зертхана стандарт талаптарына сәйкес тәрбиеленушілердің жеке тұлғасын жан-жақты дамыту мына бағыттар бойынша: физикалық дамыту;

- коммуникативтік дағдыларды дамыту;

- танымдық және зияткерлік дағдыларды дамыту;

- шығармашылық дағдыларын, зерттеу іс-әрекетін дамыту;

- әлеуметтік-эмоционалды дағдыларды қалыптастыру арқылы іске асырылады. 

Зертхананың әдістемелік құрылымы мынадай: 

ойын атауы, 

ойын түрі, 

ойын құралдары, 

ойынның мақсаты, 

ойынды ұйымдастыру тәртібі (педагог қызметі және балалардың әрекеті) және ұсынымдар.